Vatn – Abonnement fast

Er den faste delen av vassgebyret som består av ein fast sats pr brukseining eller pr. bueining på eigedommen. Satsen er kr 749,- pr eining.
Eksempel: Ein einebustad med hybel er 2 bueiningar og vil då bli belasta for to einingar:
2 x 749 kr = 1 498 kr.

Vatn – Abonnement variabel

Er den faste, variable delen av vassgebyret som blir berekna ut frå bustadens bruksareal. Prisen for fastleddet er 9,98 kr pr kvadratmeter.
Eksempel: Ein einebustad på 200 kvadratmeter (m²) må betale 1 996 kr.

Vatn – Forbruk, areal

Denne delen er basert på vassmålar, om du har det, eller den blir stipulert basert på areal. Forbruket er berekna til 1,2 kubikkmeter vatn pr. kvadratmeter i året (1,2 m³/m²).

Eksempel:
For ein bustad på 200 m² er det berekna at forbruket er 240 kubikkmeter vatn i året. Men, det er i gebyrregulativet satt ei øvre grense på 180 m² pr bueining ved utrekning av stipulert forbruk.
Så i dette eksempelet blir forbruket stipulert til 216 kubikkmeter vatn (180 m² x 1,2). Satsen pr 01.01.2026 er 22,22 kr pr kubikkmeter (m³) vatn. Dette utgjer kr 4 799,52 i året.

Avløp – Abonnement fast

Er den faste delen av avløpsgebyret som består av ein fast sats pr brukseining eller pr bueining på eigedommen. Prisen for fastleddet er 3 135 kr pr eining.

Avløp – Abonnement variabel

Er den faste, variable delen av avløpsgebyret som blir berekna ut frå bustadens bruksareal. Prisen for fastleddet er 5,02 kr pr kvadratmeter.
Eksempel: Ein einebustad på 200 kvadratmeter (m²) belastast med 1 004 kr i året.

Avløp – Forbruk, areal

Betyr berekna eller stipulert forbruk. Alle som ikkje har vassmålar betalar for eit stipulert forbruk. Forbruket er berekna til 1,2 kubikkmeter vatn pr. kvadratmeter i året (1,2 m³/m²). Det er i gebyrregulativet satt ei øvre grense på 180 m² pr bueining ved utrekning av stipulert forbruk.

Eksempel:
For ein bustad på 200 m²er forbruket stipulert til 216 kubikkmeter (180 m² x 1,2). Satsen frå 01.01.2026 er 30,60 kr pr kubikkmeter (m³) avløp. Det utgjer kr 6 609,6 i året.

Renovasjon – Vanleg hushald

Dette er det ein ordinær bustad må betala for renovasjon.
Dette inneber 4 spann: mat, rest, papir og glas- og metallemballasje

Renovasjon – Vanleg hushald med heimekompost

Dette er det ein ordinær husstand med heimekompost må betale for renovasjon. Dette abonnementet er billigare enn standardabonnementet då det ikkje er innhenting av matavfall. Abonnementet inneber 3 spann: rest, papir og glas- og metallemballasje

Renovasjon - Mengde levert (variabel)

Dette er berekna ut i frå kor mange kg restavfall du har levert i din restavfallsdunk. Vekt restavfall blir målt av bossbilen ved tømming.

Eksempel:
Du har levert 6 kg restavfall 2 gonger forrige månad (2 x 6kg = 12 kg), satsen frå 01.01.2026 er 5 kr per kg. Då blir du fakturert for 12 kg x 5 kr/kg = 60 kr.

Slam – Årsgebyr bustad

Dette er eit gebyr som bustader som har slamavskiljar/septiktank med eige/privat utslepp betalar.

Slam – Årsgebyr kontroll

Dette er eit gebyr som skal nyttast til kostnader i samband med kontroll av og tilsyn med avløpsanlegg. Kvar eigedom skal betale eit gebyr per avløpsanlegg.

Oppdatert 04.02.2026