Vatn er ein kritisk ressurs for dei fleste verksemder - alt frå industri og helseinstitusjonar til frisørar og serveringsstader. Eit plutseleg bortfall av vatn kan stoppe drifta, men med god planlegging kan konsekvensane reduserast.
Kva skjer dersom vassforsyninga sviktar?
Den vanlegaste årsaka til bortfall av vassforsyning i Øygarden kommune er brot på vassleidningar. I slike tilfelle gjer ØyVAR det vi kan for å gjenopprette vassforsyninga blant anna gjennom midlertidige løysingar. Likevel hender det av og til at områder kan vere utan vatn i fleire timar eller fleire døgn. I dei fleste tilfelle vil ikkje ØyVAR ha ressursar til å hjelpe kvar enkelt verksemd, då alt mannskap vil vere opptatt med å rette feilen og opprettholde normal drift i resten av kommunen.
ØyVAR si prioritering ved bortfall av vatn:
- Opprette alternativ og midlertidig forsyning der det er mogeleg.
- Opprette tappepunkt der abonnentar kan hente reint drikkevatn.
Dette vil bli gjort parallelt med feilsøking og feilretting på leidningsnett eller på vassbehandlingsanlegget.
Har di verksemd ein beredskapsplan?
Er verksemda di førebudd? Har de ein beredskapsplan dersom vatnet blir borte?
Her er ei sjekkliste med spørsmål som kan hjelpe deg og verksemda di i arbeidet med å lage eller forbetre beredskapsplanen.
1. Behov og sårbarheit
- Kor viktig er vatn for vår daglege drift?
- Kva stoppar opp først dersom vatnet blir borte?
- Kor raskt vil det få konsekvensar? (minutt, timar eller dagar?)
- Har vi kartlagt kva delar av verksemda som er mest avhengig av vatn?
- Har vi sett på ulike scenarier - midlertidig svikt, langvarig bortfall, vatn levert med redusert kvalitet og kokeanbefaling?
2. Planar og rutinar
- Har vi skriftleg beredskapsplan som dekkar bortfall av vatn?
- Når blei planen sist oppdatert?
- Kva er rutinane for å varsle tilsette og leiing dersom noko skjer?
- Har vi gjennomført beredskapsøving dei siste to åra retta mot bortfall av vatn?
- Har vi ein plan for alternative vasskjelder og nødløysingar?
3. Tiltak og utstyr
- Er det mogeleg å lagre vatn?
- Har vi tenkt gjennom løysingar for hygiene og sanitærforhold utan vatn?
- Har vi backup-planar for drift?
4. Roller og ansvar
- Kven har ansvar for beredskapsplanen?
- Veit alle tilsette kva dei skal gjere ved bortfall av vatn?
5. Kommunikasjon
- Har vi ein plan for å informere kundar og partnarar raskt ved ei hending?
- Korleis skal vi kommunisere dersom både straum og internett blir borte også?
- Har vi vurdert samarbeid og informasjonsdeling med lokalsamfunnet?
6. Evaluering og læring
- Har vi gjennomført risiko- og sårbarheitsanalyse for bortfall av vatn, straum eller digitale tenester? (til dømes om økonomi, drift og omdømme)
- Kroleis lærer vi av hendingar og øvingar, og klarer vi å bruke denne innsikta til å utvikle og forbetre beredskapsplanane våre?
7. Samarbeid
- Har vi dialog med andre verksemder om beredskap?
- Veit vi kvar vi kan få råd og rettleiing?
- Har vi snakka med utleigar om felles løysingar?
- Har vi inngått avtaler med private leverandører for nødforsyning?
8. Bransjespesifikke omsyn
- For serveringsstader: Kan vi servere mat utan tilgang på vatn?
- For hotell: Korleis handterer vi gjester utan dusj, toalett og reinhald?
- For helseinstitusjonar: Har vi eit minimumsnivå for hygiene og omsorg?
Anna nyttig informasjon
- Direktoratet for samfunnssikkerhet og beredskap (DSB)
- Råd om egenberedskap for virksomheter (DSB)
- Næringslivets sikkerhetsråd
- Beredskap i Øygarden kommune
Foto: Daniel Fatnes, DSB
Kjelder: Oslo kommune, Direktoratet for samfunnssikkerhet og beredskap (DSB), Norsk Vann