Alle hushaldningar i Øygarden får i desse dagar eige spann til glas- og metallemballasje. Dette gjer det enkelt å kjeldesortere og bidra til at verdifulle råstoff kan brukast på nytt. Du får SMS når vi er klare til å dele ut spann til ditt område.
Korleis bruke spannet
Skyl emballasjen i kaldt vatn og la han tørke. La etiketten sitje på. Kast alt laust i spannet – ikkje bruk pose.
Dette kan du kaste i spannet for metallemballasje:
- Hermetikkboksar
- Aluminiumsformer og -folie
- Metallkorkar og -lokk
- Påleggstubar av metall
- Brus- og ølboksar utan pant
- Telyshaldarar i metall
Dette kan du ikkje kaste i spannet for metallemballasje:
- Metall som ikkje er emballasje (t.d. gryter, sakser)
- Chipsposar og liknande med innvendig sølvbelegg
- Sprayboksar som ikkje har innehalde mat
- Batteri
- Skarpe metallgjenstandar, som knivar, spikar og skruar
Kva skjer med avfallet?
Metallemballasjen blir sendt til gjenvinningsanlegget Sirkel i Fredrikstad, der metall blir sortert ut og sendt til materialgjenvinning.
Metallet kan bli til felgar, sykkelrammer, stolar, spikrar, verktøy, golfkøller, aluminiumsfolie eller andre metallprodukt. Metallemballasje kan gjenvinnast uendeleg mange gonger utan å miste kvalitet.
Takk for at du kjeldesorterer!
Vil du dele spann for glas- og metallemballasje med naboen?
Har du ikkje plass til det nye spannet for glas- og metallemballasje? Då kan du spørje naboen om å dele – men hugs å sende inn skjemaet først.
Skjema for å dele spann for glas- og metallemballasje