Forklaring til faktura

Sidemeny:

Kva betyr gebyrlinjene?

På fakturaen er det éin post for kvart gebyr du betalar.

Abonnementsgebyr er den faste delen du betalar uavhengig av kor mykje vatn du brukar. Fastleddet er todelt og består av ein fast del (Vatn - Abonnement fast) og ein arealbasert del (Vatn - Abonnement variabel).

Vatn – Abonnement fast
er den faste delen av vassgebyret som består av ein fast sats pr brukseining eller pr. bueining på eigedommen. Satsen er kr 730,24 pr eining. Eksempel: Ein einebustad med hybel tilseier 2 bueiningar og vil då belastast for to einingar: 2 x 730,24 kr = 1.460,48 kr.
Vatn – Abonnement variabel
er den faste, variable delen av vassgebyret som blir berekna ut frå bustadens bruksareal. Prisen for fastleddet er 9,74 kr pr kvadratmeter. Eksempel: Ein einebustad på 200 kvadratmeter (m2) må betale 1.948 kr.
Vatn – Forbruk, areal
betyr berekna eller stipulert vassforbruk. Alle som ikkje har vassmålar som kan måle kor mykje vatn som nyttast, betalar for eit stipulert forbruk. Forbruket er berekna til 1,2 kubikkmeter vatn pr. kvadratmeter i året (1,2 m3/m2). Frå førre post veit vi at bustaden er på 200 m2. Dette skulle tilseie at forbruket blir 240 kubikkmeter vatn. Men, det er i gebyrregulativet for 2023 satt ei øvre grense på 180 m2 pr bueining ved utrekning av stipulert forbruk. Så i dette eksempelet blir forbruket stipulert til 216 kubikkmeter vatn (180 m2 x 1,2). Satsen frå 01.01.2023 er 21,70 kr pr kubikkmeter (m3) vatn. Dette utgjer kr 4.687,2 i året.
Avløp – Abonnement fast
er den faste delen av avløpsgebyret som består av ein fast sats pr brukseining eller pr bueining på eigedommen. Prisen for fastleddet er 3.354 kr pr eining.
Avløp – Abonnement variabel
er den faste, variable delen av avløpsgebyret som blir berekna ut frå bustadens bruksareal. Prisen for fastleddet er 5,37 kroner pr. kvadratmeter. Eksempel: Ein einebustad på 200 kvadratmeter (m2) belastast med 1074 kr i året.
Avløp – Forbruk, areal
betyr berekna eller stipulert forbruk. Alle som ikkje har vassmålar betalar for eit stipulert forbruk. Forbruket er berekna til 1,2 kubikkmeter vatn pr. kvadratmeter i året (1,2 m3/m2). Det er i gebyrregulativet for 2023 satt ei øvre grense på 180 m2 pr bueining ved utrekning av stipulert forbruk. I eksempelet er bustaden på 200 m2. I dette tilfellet blir forbruket stipulert til 216 kubikkmeter (180 m2 x 1,2). Satsen frå 01.01.2023 er 32,77 kr pr kubikkmeter (m3) avløp. Det utgjer kr 7.078,32 i året.
Reno – Vanleg hushald
er det ein ordinær bustad må betales for renovasjon. Det inneber 3 spann; mat, rest og papir. Har du valt andre storleikar på spann eller anna hentefrekevens vil prisane kome fram av gebyrregulativet for det gjeldande året.
Reno – Vanleg hushald med heimekompost
er det ein ordinær husstand med heimekompost må betale for renovasjon. Dette abonnementet er billigare enn standardabonnementet då det ikkje er innhenting av matavfall. Abonnementet inneber 2 spann; rest og papir.
Slam – Årsgebyr bustad
Dette er eit gebyr som bustader som har slamavskiljar/septiktank med eige/privat utslepp betalar. Satsen er kr 1413,50 pr. bueining pr. år.
Slam – Årsgebyr kontroll
er eit gebyr som skal nyttast til kostnader i samband med kommunens kontroll av og tilsyn med avløpsanlegg. Kvar eigedom skal betale eit gebyr per avløpsanlegg det er knytt til. Satsen er 50 kr pr. år.