Unngå brann frå batteri

Unngå brann frå batteri

Brukte batteri kan vere små, men dei kan gjere stor skade dersom dei blir handterte feil. Batteri som kjem i kontakt med kvarandre eller med metall, kan kortslutte. I verste fall kan det føre til brann.

Difor er det viktig å samle brukte batteri på ein trygg måte heime, og levere dei til riktig mottak.

Slik oppbevarer du batteri trygt

Legg brukte batteri i ein eigna behaldar, til dømes eit tomt syltetøyglas, ein liten metallboks eller ein annan behaldar med lokk. Hugs også å teipe polane på batteria før du legg dei bort.Teipen hindrar at batteria kjem i kontakt med kvarandre. Det reduserer risikoen for kortslutning og brann.

Eit godt tips er å ha ein rull med teip liggjande saman med behaldaren du samlar batteria i. Då er det lettare å hugse å sikre dei med ein gong.

Ikkje kast batteri i restavfallet

Batteri skal ikkje kastast i restavfallet. Dei kan innehalde stoff som må handterast riktig, og dei kan vere brannfarlege dersom dei hamnar feil.

Brukte batteri kan leverast på gjenbruksstasjonen eller i butikkar som sel batteri.

Små grep kan hindre store skadar

Når du teipar polane og leverer batteria riktig, bidreg du til tryggare handtering av avfall og mindre risiko for brann.

Takk for at du sorterer batteri riktig.