Arbeidet startar i løpet av hausten og er planlagt ferdigstilt før jul.
Arbeidet omfattar rehabilitering av leidninga i Hallvardsvegen vidare ned til hovudvegen i Klokkarvik
I anleggsperioden kan det vere periodar der avløpssystemet blir påverka. Øyvar vil så langt det er mogleg varsle berørte abonnentar på førehand dersom arbeidet medfører driftsforstyrringar eller andre mellombelse utfordringar i avløpsnettet.
Det er ikkje planlagt å stenge vegen medan arbeidet går føre seg. Trafikantar må likevel rekne med at det kan bli kortvarige stengingar eller trafikkregulering i samband med gjennomføringa av arbeidet.
Øyvar beklagar eventuelle ulemper arbeidet kan medføre og takkar for forståinga medan vi oppgraderer infrastrukturen for eit trygt og påliteleg avløpssystem også i framtida.
