Nytt hageavfallsmottak opnar på Midtstegen – lever når det passar deg
Frå 13. juli 2026 opnar det ombygde hageavfallsmottaket på Midtstegen i Skogsvåg. Med Grønt kort i ØyVAR-appen kan du levere hageavfall kvar dag mellom kl. 08:00 og 20:00 – heile sommaren.
Det ombygde anlegget er ope for alle privatkundane våre i den ordinære opningstida til gjenbruksstasjonen på Midtstegen. Vil du levere utanom desse tidene, tek du det enkle e-kurset «Grønt kort» i ØyVAR-appen. Då får du tilgang til det ubemanna mottaket kvar dag frå 08:00 til 20:00.
Slik får du Grønt kort
- Last ned ØyVAR-appen.
- Gjennomfør e-kurset «Grønt kort».
- Når kurset er gjennomført og godkjent, er Grønt kort aktivt i appen om lag éin time seinare.
Då kan du levere hageavfall på eiga hand kvar dag mellom 08:00 og 20:00, heile sommaren 2026.
Sommarstengt i vekene 29, 30 og 31
Midtstegen gjenbruksstasjon er sommarstengt i vekene 29, 30 og 31 (13. juli–2. august 2026). I desse vekene kan du framleis levere hageavfall:
- med Grønt kort på det ubemanna mottaket (gjeld berre hageavfall), eller
- på gjenbruksstasjonen på Straume.
Frå uke 32 er det igjen bemanna opningstider på Midtstegen gjenbruksstasjon og hageavfallsmottak:
- Måndag: 09:30–19:45
- Tysdag: stengt
- Onsdag: 09:30–16:00
- Torsdag: stengt
- Fredag: stengt
- Laurdag: 09:30–16:00
- Søndag: stengt