Målingsrestar er farleg avfall

Sommaren er høgsesong for oppussing, vedlikehald og små prosjekt både ute og inne. Då blir det også ofte til overs litt måling, beis eller lakk. Men kva gjer du med restane?

Målingsrestar skal ikkje kastast i restavfallet. Måling kan innehalde stoff som er skadelege for miljøet, og enkelte produkt kan også vere brannfarlege. Derfor skal dei leverast som farleg avfall på gjenbruksstasjonen.

Kva skal leverast som farleg avfall?

Har du restar av måling, lakk, beis, lim eller liknande produkt? Då skal dette leverast som farleg avfall.

Det gjeld også:

• målingsspann med restar i
• sprayboksar med innhald
• treolje og terrassebeis
• lakk og lakkrestar
• lim og fugemasse

Er du usikker på korleis noko skal sorterast? Du finn gode sorteringsråd på siden vår her https://www.oyvar.no/renovasjon/sortering eller på sortere.no.

Kvifor kan det ikkje kastast i restavfallet?

Når farleg avfall blir kasta feil, kan det føre til forureining og skape utfordringar i avfallshandteringa. Måling og kjemikaliar inneheld stoff som må behandlast på ein annan måte enn vanleg avfall. Ved å levere det til gjenbruksstasjonen sørgjer du for at avfallet blir handtert på ein trygg og miljøvenleg måte.

Kva med tomme målingsspann?

Eit heilt tomt og tørt målingsspann kan sorterast som emballasje etter gjeldande sorteringsreglar. Er det restar av måling igjen i spannet, skal det leverast som farleg avfall.

Er du i tvil, er det alltid betre å levere spannet på gjenbruksstasjonen.

Ta vare på folk og miljø

Riktig handtering av farleg avfall er eit enkelt grep som gjer ein stor forskjell. Når du leverer målingsrestar på gjenbruksstasjonen, bidreg du til å ta vare på både miljøet, naturen og dei som handterer avfallet vidare.

Takk for at du sorterer riktig!