Kva kan du kaste i spannet for glas- og metallemballasje?

No har vi starta utdelinga av eigne spann for glas- og metallemballasje, og utpå hausten startar henteordninga. Då kan du sortere dette avfallet heime i staden for å dra til returpunkta. Vi kjem og hentar det kvar 10. veke når ordninga er i gang.

Hilde Vik Halleraker, leiar for kvalitet og HMS i ØyVAR, forklarar kva du kan kaste i det nye spannet.

Slik gjer du det:

• Skyl emballasjen i kaldt vatn og la han tørke.
• La etiketten sitte på.
• Kast alt laust i spannet – ikkje bruk pose. Det gjer ingenting om noko knuser.

Dette kan du kaste i spannet for glas- og metallemballasje:

• Syltetøyglas og glasflasker
• Sauseglas, barnematglas og liknande
• Hermetikkboksar
• Aluminiumsformer og -folie
• Metallkorkar og -lokk
• Påleggstubar av metall
• Brus- og ølboksar utan pant
• Telyshaldarar i metall
• Vin- og ølflasker utan pant
• Glasflasker utan pant til vin, brus o.l.
• Tomme parfyme- og deodorantflasker i glas
• Hudkremkrukker i glas
• Tomme medisinglas

Dette kan du ikkje kaste i spannet for glas- og metallemballasje:

• Glas og metall som ikkje er emballasje (t.d. gryter, sakser og vinglas)
• Chipsposar og liknande med innvendig sølvbelegg
• Keramikk, porselen og krystall
• Spegel og vindaugsglas
• Sprayboksar som ikkje har innehalde mat
• Lyspærer og batteri
• Eldfaste former
• Drikkeglas og tallerkenar
• Skarpe metallgjenstandar, som knivar, spikar og skruar