Kva er restavfall?

Restavfall er det som står att etter at du har sortert ut alt som kan gjenvinnast, som matavfall, plastemballasje, papir, glas og metall. Det er med andre ord avfallet som ikkje kan sorterast i eigne avfallstypar, og som vanlegvis går til energigjenvinning.

• Når avfall kan sorterast vidare
• Mange ting kan vere vanskelege å plassere i riktig kategori. Nokre avfallstypar liknar på kvarandre, men skal likevel sorterast forskjellig.

Ei stekepanne av metall er til dømes solid metall som kan gå til omsmelting. Då kan materialet bli brukt på nytt, kanskje som ei postkasse eller ein sykkel i neste liv. På same måte kan ei plastbøtte sorterast som hardplast dersom materialet eignar seg for gjenvinning.

Når slike ting blir sorterte riktig, blir mengda restavfall mindre, og fleire ressursar kan brukast om igjen.

• Døme på restavfall
• Restavfall er gjerne ting som ikkje kan gjenvinnast eller sorterast i eigne avfallsordningar. Dette kan til dømes vere bleier og sanitetsprodukt, støvsugarposar, skitten emballasje som ikkje kan vaskast rein, eller gåvepapir med plast og glitter.

Større ting som ikkje kan gjenbrukast eller sorterast i andre avfallstypar, må leverast som restavfall på gjenbruksstasjonen. Det kan til dømes vere slitte møblar, madrassar eller andre store gjenstandar som ikkje kan gå til ombruk.

• Dette skal ikkje i restavfallet
• Restavfallet skal ikkje innehalde farleg avfall, elektriske produkt eller ting som kan gjenvinnast i eigne fraksjonar. Slike ting må leverast på rett stad på gjenbruksstasjonen eller sorterast i dei vanlege avfallsordningane heime.

Når meir av avfallet blir sortert riktig, kan meir av materialet gjenvinnast og brukast på nytt. Difor er vi veldig glade for alt som kan sorterast betre.