ØyVAR følgjer dei generelle råda frå Folkehelseinstituttet kring koronaviruset

Innhenting av hushaldsavfall er ein samfunnskritisk teneste. Vårt hovudfokus er å hente avfall frå alle husstandar som vanleg. Vi jobbar løpande med beredskapsplanar og kva for tiltak vi skal gjennomføre framover.

Frå laurdag 14. mars stengte vi gjenbruksstasjonen i Lonavegen for å avgrense smittekjelder ved å ikkje samle tilsette på tvers av avdelingane renovasjon, VA og administrasjon. Vårt primære fokus er å oppretthalde kontinuerleg drift, sjølv om dette per 17. mars betyr berre ein gjenbruksstasjon i drift.

Følgande oppfordringar frå ØyVAR:

• For å beskytte sjåførane i BIR Transport og Norsk Gjenvinning som tømmer dunkane i Øygarden:
  • Pass på at avfallet ditt ligg i dunkane, og ikkje hamnar på utsida – loket må vera på.
• Vi ber om at alle abonnentar vaskar seg godt på hendene før og etter dunken vert trilla ut for tømming. Vask handtak og lokk på dunkane.
• Alle skulebesøk og omvisingar er avlyst inntil vidare.
• Til dei som besøker gjenbruksstasjonen i Midtstegen:
  • Du er velkommen til gjenbruksstasjonen dersom du føler deg frisk og rask.
  • Vi føreset at du er utanfor karantene og ikkje har vore i kontakt med sjuke.
  • Sorter avfallet grundig i forkant av besøket. Hugs gjennomsiktige plastsekker.
  • Hold to meter avstand til våre rettleiarar og andre besøkande. Ver effektiv.
  • Vi tek ikkje imot kontantar for å redusere smittefaren. Betaling skjer med Vipps eller blipp kortet!